伊勢茶（いせちゃ）係產自日本三重縣嘅茶葉總稱，主要種植喺北勢、中南勢地區。三重縣係日本全國茶葉產量頭幾位嘅產地，種茶歷史超過600年，但喺香港認知度一直唔算高——其實好多你飲開嘅高級抹茶、焙茶原料，都可能係三重縣出產。 我哋（三重師奶／c9inmie）喺三重縣生活咗20幾年，呢篇文想同你講清楚伊勢茶點解值得認識。 伊勢茶產地喺邊度？ 三重縣位於日本本州中部，鄰近伊勢神宮——日本人心目中「一生人一定要去一次」嘅聖地。伊勢茶嘅產地主要分兩大區域： 北勢地域：主力種植「かぶせ茶」（覆下茶），採摘前用布或稻草遮蓋茶樹避光，令茶葉甘味更突出、澀味減少 中南勢地域：主力種植「深蒸し煎茶」（深蒸煎茶），蒸青時間比一般煎茶長，令茶湯顏色更深、口感更濃厚圓潤 順帶一提，三重縣伊賀地區仲係日本忍者（伊賀流）發祥地之一，同茶文化一樣，都係呢個地方低調但深厚嘅底蘊。 官方數據佐證 根據三重縣廳《伊勢茶の振興》官方資料，三重縣嘅茶葉栽培面積同荒茶生產量，喺全國排名第三，僅次於靜岡縣同鹿兒島縣；當中「かぶせ茶」（覆下茶）產量更係全國第一，佔全國產量七成左右。...

鰹魚麵汁 流心半熟蛋

チョレギ紫菜豆腐沙律 チョレギ（choregi）係近年日本嘅韓式燒肉店、居酒屋經常出現嘅沙律菜式，就連超市都可以買得到現成嘅沙律醬汁。 不過咁，聽講原來呢個チョレギ⋯其實係日式韓菜，響韓國係無呢到菜嘅～就算問韓國人都唔知道係咩意思😅...