日本各地貨車司機大哥一致認證好味
味噌炒烏冬（1人份） 烏冬麵 1包 豬腩肉片 椰菜 8/1左右 洋蔥 適量 芽菜 適量 蔥段 少許
醬料 豆味噌（或者八丁味噌/赤味噌） 1湯匙 糖 2茶匙 味醂 2茶匙 日式老抽（たまり醤油) 1茶匙 料理酒 1湯匙 豆瓣醬/韓式辣醬 1茶匙（可按個人喜好調節） 蒜蓉 適量
1. 椰菜切條、豬肉切塊、洋蔥切粗絲（順著纖維)，備用
2. 將所有調味料混合，備用
3. 燒熱鑊落油，放豬肉、洋蔥炒一炒，跟住加入其他蔬菜同烏冬，再倒入醬料，用中大火炒至所有材料熟透就可以
4. 烏冬麵可以用乾麵，煮熟後過冷河，瀝乾水分就可以 急凍烏冬麵的話，過水解凍，瀝乾水分就可以用
5. 蔬菜方面，仲可以加入紅蘿蔔、韭菜之類⋯ 另外亦可以加入蟹柳、獅子狗魚卷等都無問題 呢個醬料非常惹味，適合清雪櫃炒一大碟